2015 جىلعى 20 اقپان, استانا قالاسى
جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتتەردى
ساتىپ الۋ تۋرالى ۇلگىلىك شارتتى بەكىتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 7) تارماقشاسىنا سايكەس بۇيىرامىن:
1. قوسا بەرىلىپ وتىرعان جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتتەردى ساتىپ الۋ تۋرالى ۇلگىلىك شارتتى بەكىتىلسىن.
1. قازاقستان رەسپۋبليكاسى ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ەنەرگەتيكا ءمينيسترى ۆ.شكولنيك
قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 اقپانداعى №109 بۇيرىعىمەن بەكىتىلگەن
جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ ەلەكتر قۋاتىنىڭ
ازىرلىگىن ۇستاپ تۇرۋ بويىنشا كورسەتىلەتىن قىزمەتتەردى ساتىپ الۋ تۋرالى ۇلگىلىك شارت
_________________________ 20___ ج. «____» ______________
(شارتتىڭ جاسالعان ورنى) (شارتتىڭ جاسالعان كۇنى)
بۇدان ءارى «جەتكىزۋشى» دەپ اتالاتىن ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن
قىزمەتتى ۇسىناتىن __________________________________________________________________________
___________________________________________________________________________________________
اتىنان, (ەنەرگيا ءوندىرۋشى ۇيىمنىڭ اتاۋى)
___________________________________________________________________________________ نەگىزىندە
(20__ ج. «___» ____________ № ____ جارعى, ەرەجە, سەنىمحات)
ارەكەت ەتەتىن ________________________________
(لاۋازىمى, ت.ا.ءا.)
جانە بۇدان ءارى «جۇيەلىك وپەراتور» دەپ اتالاتىن __________________________________
________________________________________________________________________اتىنان
(ۇيىمنىڭ اتاۋى, مەملەكەتتىك تىركەۋ تۋرالى كۋالىك, بەرىلگەن كۇنى جانە ورنى)
____________________________________________, سونداي-اق ۋاكىلەتتى
(20__ ج. «___» ____________ № ____ جارعى, ەرەجە, سەنىمحات)
ورگاننىڭ _________ جىلعى «___» _______ № ___ بۇيرىعى نەگىزىندە ارەكەت ەتەتىن
__________________________________________________________,
(لاۋازىمى, ت.ا.ءا.)
(بۇدان ءارى – تاراپتار) جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ قۇرىلىسىنا ارنالعان تەندەر ناتيجەلەرى بويىنشا ۋاكىلەتتى ورگاننىڭ _________ جىلعى «___» __________ № _____ بۇيرىعىنا سايكەس تومەندەگى تۋرالى وسى شارتتى (بۇدان ءارى – شارت) جاساستى:
1. وسى شارتتا مىناداي ۇعىمدار مەن انىقتامالار پايدالانىلادى:
1) ەسەپتىك كەزەڭ – ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتتىڭ ەسەبى جۇرگىزىلەتىن كۇنتىزبەلىك ءبىر ايعا تەڭ ايدىڭ ءبىرىنشى كۇنىنىڭ 00-00 ساعاتىنان سوڭعى كۇنىنىڭ 24-00 ساعاتىنا دەيىنگى ۋاقىت ارالىعى (ورتاشا ەۆروپالىق ۋاقىتىمەن);
2) جۇيەلىك وپەراتوردىڭ ۇلتتىق ديسپەتچەرلىك ورتالىعى (بۇدان ءارى – جو ۇدو) – قازاقستان رەسپۋبليكاسىنىڭ بىرىڭعاي ەلەكتر ەنەرگەتيكاسى جۇيەسىندە ەلەكتر ەنەرگياسىن جانە قۋاتىن ءوندىرۋ, بەرۋ جانە تۇتىنۋ رەجيمدەرىن ورتالىق ورالىمدى-ديسپەتچەرلىك باسقارۋ فۋنكتسيالارىن جۇزەگە اسىراتىن جۇيەلىك وپەراتوردىڭ قۇرىلىمدىق بولىمشەسى.
3) ۋاكىلەتتى ورگان – ەلەكتر ەنەرگەتيكاسى سالاسىندا باسشىلىقتى جۇزەگە اسىراتىن مەملەكەتتىك ورگان;
4) ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلەتىن قىزمەت – ەنەرگيا ءوندىرۋشى ۇيىمداردىڭ بەلگىلەنگەن تارتىپپەن اتتەستاتتالعان گەنەراتسيالايتىن قوندىرعىلاردىڭ ەلەكتر قۋاتىنىڭ جۇكتەمە كوتەرۋگە ازىرلىگىن ۇستاپ تۇرۋ بويىنشا جۇيەلىك وپەراتورعا كورسەتەتىن قىزمەتى.
وسى شارتتا پايدالانىلاتىن باسقا ۇعىمدار مەن انىقتامالار قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى زاڭناماسىنا سايكەس قولدانىلادى.
1. شارتتىڭ ءمانى
2. وسى شارتتىڭ 9-تارماعىنا سايكەس جەتكىزۋشى جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ ازىرلىگىن ۇستاپ تۇرۋ بويىنشا كورسەتىلەتىن قىزمەتتەردى (بۇدان ءارى – كورسەتىلەتىن قىزمەت) ۇسىنۋعا, ال جۇيەلىك وپەراتور پايدالانۋعا جانە تولەم جۇرگىزۋگە مىندەتتەنەدى.
3. كورسەتىلەتىن قىزمەتتى ساتىپ الۋدى جۇيەلىك وپەراتور جەتكىزۋشىنىڭ گەنەراتسيالايتىن قوندىرعىلاردى پايدالانۋعا بەرگەن جانە اتتەستاتتاۋدى وتكىزگەن كۇنىنەن باستاپ جۇزەگە اسىرادى.
4. كورسەتىلەتىن قىزمەتتىڭ باعاسىن, كولەمىن جانە وسى شارتتىڭ قولدانىلۋ مەرزىمىن «ەلەكتر ەنەرگەتيكاسى تۋرالى» قازاقستان رەسپۋبليكاسىنىڭ 2004 جىلعى 9 شiلدەدەگi زاڭىنا (بۇدان ءارى – زاڭ) سايكەس بەلگىلەنگەن تارتىپپەن ۋاكىلەتتى ورگان وتكىزىلگەن جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ قۇرىلىسىنا ارنالعان تەندەردىڭ قورىتىندىسى بويىنشا ايقىندايدى.
2. تاراپتاردىڭ قۇقىقتارى مەن مىندەتتەرى
5. جۇيەلىك وپەراتور:
1) ءوز قىزمەتىن قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى زاڭناما تالاپتارىنا سايكەس جۇزەگە اسىرۋعا;
2) كەلىسپەۋشىلىكتەردى كورسەتە وتىرىپ نەمەسە ولارسىز, توقساننىڭ سوڭعى كۇنىندەگى جاعداي بويىنشا وسى شارت بويىنشا ءوزارا ەسەپتەردى تەكسەرۋ اكتىسىنە قول قويۋعا;
3) جەتكىزۋشىگە قاجەتتى تەحنولوگيالىق اقپاراتتى, بەرۋشى جەلىلەر مەن قوسالقى ستانتسيالاردىڭ سيپاتتامالارى مەن سحەمالارىن, وسى شارتتىڭ تالاپتارىن ورىنداۋعا تىكەلەي جاۋاپتى جانە جەدەل كەلىسسوزدەر جۇرگىزۋگە قۇقىلى تۇلعالاردىڭ ءتىزىمىن جاساۋعا مىندەتتى.
6. جۇيەلىك وپەراتوردىڭ قۇقىقتارى:
1) ەلەكتر قۋاتىنىڭ اتتەستاتتالعان كولەمىنىڭ شەڭبەرىندە (ماكسيمالدى جانە مينيمالدى) ءوندىرۋدى ارتتىرۋعا جانە/نەمەسە تومەندەتۋگە پارمەن بەرۋ;
2) وسى شارتتىڭ 12-تارماعىندا كوزدەلگەن جاعدايدا ەسەپتەۋدە تومەندەتۋشى كوەففيتسيەنتىن قولدانۋ.
7. جەتكىزۋشى:
1) ءوز قىزمەتىن قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى زاڭناما تالاپتارىنا سايكەس جۇزەگە اسىرۋعا;
2) جو ۇدو ديسپەتچەرىنىڭ ەلەكتر قۋاتىنىڭ اتتەستاتتالعان كولەمىنىڭ شەڭبەرىندە (ماكسيمالدى جانە مينيمالدى) ءوندىرۋدى ارتتىرۋ جانە/نەمەسە تومەندەتۋ جونىندە بەرگەن پارمەنىن ورىنداۋعا;
3) كەلىسپەۋشىلىكتەردى كورسەتە وتىرىپ نەمەسە ولارسىز, توقساننىڭ سوڭعى كۇنىندەگى جاعدايى بويىنشا وسى شارت بويىنشا ءوزارا ەسەپتەردى تەكسەرۋ اكتىسىنە قول قويۋعا مىندەتتى.
8. جەتكىزۋشىنىڭ قۇقىقتارى:
1) جۇيەلىك وپەراتوردان وسى شارت بويىنشا ءوز مىندەتتەرىن ورىنداۋىن تالاپ ەتۋ.
3. باعاسى جانە ەسەپ ايىرىسۋ ءتارتىبى
9. كورسەتىلەتىن قىزمەتكە تولەم جۇرگىزۋدى كورسەتىلەتىن قىزمەت كولەمىن تەكسەرۋ اكتىسى نەگىزىندە جەتكىزۋشى تولەمگە قويىلعان شوت-فاكتۋرانى ۇسىنعاننان كەيىن وسى شارتتىڭ 4-تارماعىنا سايكەس ۋاكىلەتتى ورگان ايقىنداعان باعاعا سايكەس جۇيەلىك وپەراتور جۇرگىزەدى.
10. ەگەر جۇيەلىك وپەراتور تولەمگە قويىلعان شوتتىڭ دۇرىستىعىمەن كەلىسپەسە, وسى شوتتى العان كۇننەن باستاپ كۇنتىزبەلىك ون كۇن ىشىندە جەتكىزۋشىنى حاباردار ەتەدى جانە جەتكىزۋشىگە نارازىلىعى باياندالعان جازباشا ارىز ۇسىنادى. بۇل رەتتە, جۇيەلىك وپەراتور جوعارىدا كورسەتىلگەن مەرزىمدە شوتتىڭ كەلىسپەۋشىلىك تۋىنداماعان بولىگىنە تولەم جۇرگىزۋگە مىندەتتى.
11. شوتتارعا تۇزەتۋلەر ەنگىزۋ قاجەت بولعان جاعدايدا, تاراپتار كەلەسى ەسەپ ايىرىسۋ كەزەڭىندەگى شوتتارعا تۇزەتۋ ەنگىزەدى.
12. كۇنتىزبەلىك اي ىشىندە جالپى ۇزاقتىعى 72 ساعاتتان اساتىن, وسى شارتتا ايقىندالعان كورسەتىلەتىن قىزمەتتىڭ كولەمىن تومەندەتۋدى تۋىنداتقان, گەنەراتسيالايتىن جابدىقتى اپاتتى جانە جوسپاردان تىس جوندەۋلەر كەزىندە, كورسەتىلەتىن قىزمەتتىڭ قۇنىن ەسەپتەۋ كەزىندە مىناداي فورمۋلا بويىنشا ەسەپتەلەتىن تومەندەتۋشى كوەففيتسيەنتى قولدانىلادى:
كتوم = (ساي - سار)/ساي, مۇنداعى
كتوم - ەسەپتە قولدانىلاتىن تومەندەتۋشى كوەففيتسيەنتى;
ساي - ەسەپتىك ايداعى ساعاتتار سانى;
سار - اپاتتى, جوسپاردان تىس جوندەۋ كەزىندەگى گەنەراتسيالايتىن جابدىقتىڭ توقتاپ تۇرۋىنىڭ ناقتى سانى.
13. كۇنتىزبەلىك اي ىشىندە جالپى ۇزاقتىعى 72 ساعاتتان كەم, وسى شارتتا ايقىندالعان كورسەتىلەتىن قىزمەتتىڭ كولەمىن تومەندەتۋدى تۋىنداتقان, گەنەراتسيالايتىن جابدىقتى اپاتتى جانە جوسپاردان تىس جوندەۋلەر كەزىندە, كورسەتىلەتىن قىزمەتتىڭ قۇنىن ەسەپتەۋ كەزىندە تومەندەتۋشى كوەففيتسيەنتتەر قولدانىلمايدى.
14. جەتكىزۋشىدە ەكسپورتقا شىعارىلاتىن ەلەكتر ەنەرگياسى جەتكىزىلىمدەرى بولعان جاعدايدا كورسەتىلەتىن قىزمەتتىڭ شارتتىق كولەمى جابدىقتىڭ اتتەستاتتاۋ كەزىندە انىقتالعان كولەمىنەن ءتيىستى گەنەراتسيالايتىن جابدىقتىڭ جانە ەكسپورتقا شىعارىلاتىن ماكسيمالدى قۋاتىن جەكە جانە (نەمەسە) شارۋاشىلىق قاجەتتىلىكتەرىنە تۇتىناتىن قۋات كولەمىنە ازايتۋ ارقىلى انىقتالعان كورسەتىلەتىن قىزمەتتىڭ شەكتى كولەمىنە تەڭ دەپ تانىلادى.
4. كورسەتىلەتىن قىزمەتتى ەسەپكە الۋ
15. جەتكىزۋشى گەنەراتسيالايتىن جابدىقتىڭ ەلەكتر ەنەرگياسىن وندىرۋگە ازىرلىگى جونىندەگى بارلىق تالاپتاردى ورىنداعان جاعدايدا كورسەتىلەتىن قىزمەتتىڭ ەسەپتىك مەرزىمدەگى ءىس جۇزىندەگى كولەمى تاراپتاردىڭ كورسەتىلگەن قىزمەت اكتىسىنە ەسەپتىك ايدان كەيىنگى ايدىڭ بەسىنشى كۇنىنەن كەشىكتىرمەي قولى قويىپ, وسى شارتتىڭ 4-تارماعىنا سايكەس ايقىندالعان كورسەتىلەتىن قىزمەتتىڭ شارتتىق كولەمىنە تەڭ بولىپ قابىلدانادى.
16. ەسەپتىك كەزەڭ ىشىندە جۇيەلىك وپەراتور قابىلداعان جانە تولەم جۇرگىزۋگە جاتقىزىلعان كورسەتىلەتىن قىزمەت كولەمى ەسەپتىك كەزەڭنەن كەيىنگى ايدىڭ 5 (بەس) جۇمىس كۇنى ىشىندە جو ۇدو-مەن كەلىسىلگەن دەرەكتەر نەگىزىندە جەتكىزۋشى رەسىمدەيتىن گەنەراتسيالايتىن قوندىرعىلاردىڭ ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلگەن قىزمەتتىڭ ءىس جۇزىندەگى كولەمىن سالىستىرىپ تەكسەرۋ اكتىسىمەن (بۇدان ءارى – اكت) راستالادى. اكتىگە جەتكىزۋشىنىڭ ۋاكىلەتتى تۇلعاسىنىڭ قولى قويىلادى, ونىڭ مورىمەن كۋالاندىرىلادى جانە قۇجات تۇپنۇسقاسى پوشتا ارقىلى جىبەرىلە وتىرىپ, فاكس ارقىلى جۇيەلىك وپەراتورعا جولدانادى. ەسكەرتۋلەر بولماعان جاعدايدا جۇيەلىك وپەراتور كەلەسى 2 (ەكى) جۇمىس كۇنى ىشىندە اكتىگە قول قويادى, مورمەن كۋالاندىرادى جانە فاكس ارقىلى جەتكىزۋشىگە جولدايدى. اكتىنىڭ تۇپنۇسقاسىن العاننان كەيىن تاپسىرىس بەرۋشى اكتىگە قول قويادى, مورمەن كۋالاندىرادى جانە پوشتا ارقىلى جولدايدى.
17. اكتىدە وتكىزىلگەن كەزەكتەن تىس اتتەستاتتاۋلاردى, وسى شارتتىڭ 12-تارماعىندا كورسەتىلگەن كوەففيتسيەنتتى ەسكەرە وتىرىپ, ەلەكتر قۋاتىنىڭ ازىرلىگىن ۇستاپ تۇرۋ بويىنشا كورسەتىلگەن قىزمەتتىڭ ءىس جۇزىندەگى كولەمى كورسەتىلۋى ءتيىس.
5. تاراپتاردىڭ جاۋاپكەرشىلىگى
18. وسى شارت بويىنشا مىندەتتەمەلەرىن ورىنداماۋى نەمەسە تيىسىنشە ورىنداماۋى ءۇشىن تاراپتار قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىكتە بولادى.
19. شوت بويىنشا تولەم مەرزىمى كەلگەن كەزدە ول بويىنشا تولەم جاساماعانى ءۇشىن جەتكىزۋشى جۇيەلىك وپەراتوردىڭ تولەم جۇرگىزبەگەن سومالارىنا تولەم مەرزىمى اياقتالعاننان كەيىنگى كەلەسى كۇننەن باستاپ ايىپپۇل ەسەپتەۋگە قۇقىلى. جەتكىزۋشى مەرزىمى ءوتىپ كەتكەن سومالار بويىنشا جۇيەلىك وپەراتوردىڭ اقشالاي مىندەتتەمەسىن ءىس جۇزىندە ورىنداماۋ كۇنىندە قازاقستان رەسپۋبليكاسى ۇلتتىق بانكىنىڭ رەسمي قايتا قارجىلاندىرۋ ستاۆكاسىن باسشىلىققا الا وتىرىپ, جۇيەلىك وپەراتوردان ءاربىر كەشىكتىرىلگەن كۇن ءۇشىن, بىراق قارىزدىڭ نەگىزگى سوماسىنان اسپايتىن ايىپپۇل تولەۋدى تالاپ ەتۋگە قۇقىلى.
6. ەڭسەرىلمەيتىن كۇش جاعداياتتارى
20. ەڭسەرىلمەيتىن كۇش جاعداياتتارى قازاقستان رەسپۋبليكاسىنىڭ ازاماتتىق كودەكسىنە سايكەس ايقىندالادى.
21. وسى شارت بويىنشا مىندەتتەمەلەردى ورىنداۋ مەرزىمى وسىنداي ەڭسەرىلمەيتىن كۇش جاعداياتتارى, سونداي-اق وسى جاعداياتتاردان تۋىنداعان سالدارلاردا ورىن العان ۋاقىتقا تەڭ مەرزىمگە كەيىنگە جىلجىتىلادى.
22. تاراپتاردىڭ وسى شارت بويىنشا مىندەتتەرىن تولىقتاي نەمەسە ءىشىنارا ورىنداي الماۋ ەڭسەرىلمەيتىن كۇش جاعداياتتارىنىڭ باستالۋىنا بايلانىستى التى ايدان استام ورىن الاتىن بولسا, وندا تاراپتار وسى شارتتى قايتا قاراستىرۋعا نەمەسە بۇزۋعا قۇقىلى بولادى.
7. داۋلاردى قاراستىرۋ
23. وسى شارت مانىنەن تۋىندايتىن بارلىق داۋلار نەمەسە كەلىسپەۋشىلىكتەر تاراپتار اراسىندا كەلىسسوزدەر جۇرگىزۋ ارقىلى شەشىلەدى.
24. كەلىسىمگە كەلە الماعان جاعدايدا وسى شارت بويىنشا بارلىق داۋلار جانە كەلىسپەۋشىلىكتەر جاۋاپكەردىڭ تۇرعىلىقتى جەرىندەگى سوتتاردا قازاقستان رەسپۋبليكاسىنىڭ قولدانىستاعى زاڭناماسىنا سايكەس شەشىلەدى.
8. وزگە ەرەجەلەر مەن شارتتار
25. كورسەتىلەتىن قىزمەتتى ساتىپ الۋ جونىندەگى شارت جەتكىزۋشىمەن جەكە تارتىپپەن جاسالادى.
26. وسى شارتتا قامتىلعان اقپارات قۇپيا بولىپ سانالادى جانە قازاقستان رەسپۋبليكاسىنىڭ زاڭناماسىمەن بەلگىلەنگەن جاعدايلاردى قوسپاعاندا, اشىلۋعا جانە/نەمەسە ءۇشىنشى تۇلعالارعا تاراپتاردىڭ جازباشا كەلىسىمىنسىز جاريالاۋعا جاتپايدى.
27. وسى شارتقا ەنگىزىلگەن بارلىق وزگەرتۋلەر, تولىقتىرۋلار جانە قوسىمشالار ولار جازباشا نىساندا جاسالىپ, ەكى تاراپتىڭ قولى قويىلعان جاعدايدا عانا جارامدى بولادى جانە كۇشىنە ەنەدى.
28. وسى شارت ءار تاراپتار ءۇشىن بىرەۋدەن, ەكى دانادا جاسالدى. ەكى داناسىنىڭ دا زاڭدى كۇشى بىردەي.
29. وسى شارت قول قويىلعان ساتىنەن باستاپ, ال تولەم بولىگىندە گەنەراتسيالايتىن قوندىرعىلاردىڭ ەلەكتر قۋاتىن اتتەستاتتاۋ اكتىسىنە قول قويىلعان كۇنىنەن باستاپ كۇشىنە ەنەدى جانە 20__ جىلعى «___» _________ دەيىن جارامدى.
30. وسى شارت تاراپتاردىڭ كەلىسىمى بويىنشا بۇزۋ جونىندەگى كەلىسىمگە قول قويۋ ارقىلى بۇزىلادى.
تاراپتاردىڭ مەكەنجايلارى جانە دەرەكتەمەلەرى
جۇيەلىك وپەراتور جەتكىزۋشى
____________________ __________________
ءمور ورىنى ءمور ورىنى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10530 بولىپ ەنگىزىلدى.